کراچی: پاکستان اور ویسٹ انڈیز کے درمیان ٹی 20 میچز کی سیریز کے اختتام پر کپتان سرفراز احمد نے اپنی میچ فیس نیشنل اسٹیڈیم کے گراؤنڈ اسٹاف کے نام کر کے سب کا دل جیت لیا۔
تفصیلات کے مطابق پاکستان اور ویسٹ انڈیز کے درمیان 3 ٹی 20 میچز کی سیریز اختتام پذیر ہوگئی۔ پاکستانی ٹیم نے تینوں میچز جیت کر ویسٹ انڈیز کو وائٹ واش کردیا۔
ویسٹ انڈیز کی ٹیم 9 سال قبل سری لنکن ٹیم پر حملے کی وجہ سے پاکستان میں کرکٹ معطل ہوجانے کے بعد پہلی بار کراچی آئی تھی۔
اس سے قبل پاکستان سپر لیگ کے تیسرے سیزن کا فائنل میچ بھی کراچی کے نیشنل اسٹیڈیم میں کھیلا گیا تھا جس نے شہر قائد میں ایک بار پھر کرکٹ کی رونقوں کو بحال کردیا۔
تیسرے ٹی 20 میچ میں پاکستانی کپتان سرفراز احمد نے اپنی میچ فیس نیشنل اسٹیڈیم کے گراؤنڈ اسٹاف کے حوالے کردی۔
انہوں نے ویسٹ انڈیز ٹیم کا شکریہ ادا کرتے ہوئے دنیا بھر کی دوسری ٹیموں کو بھی پاکستان آنے کی دعوت دی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
