The news is by your side.

Advertisement

سرفراز نے قومی ٹیم کو ایڈلیڈ ٹیسٹ جیتنے کا گُر بتا دیا

کراچی: قومی کرکٹ ٹیم کے سابق کپتان سرفراز احمد نے پاکستان ٹیم کو ایڈلیڈ ٹیسٹ جیتنے کا گُر بتا دیا۔

تفصیلات کے مطابق قومی ٹیسٹ ٹیم کی قیادت اظہرعلی کے پاس ہے لیکن سابق کپتان سرفراز احمد آسٹریلیا کے پچز کا تجربہ رکھتے ہیں یہی وجہ ہے کہ انہوں نے کھلاڑیوں کی رہنمائی کرتے ہوئے جیت کا گر بتایا۔

ان کا کہنا تھا کہ آسٹریلوی بلے بازوں کی وکٹیں جتنی جلدی گریں گی اتنے ہی زیادہ جیت کے چانسز ہوں گے، ایڈلیڈ کی کنڈیشنز یاسر شاہ کے لیے فائدہ مند رہے گی۔

سرفراز نے ٹیم کے لیے نیک تمناؤں کا اظہار کرتے ہوئے جیت کی دعا کی، انہوں نے مزید کہا کہ قومی ٹیم آسٹریلیا کے خلاف دوسرے ٹیسٹ میچ میں اچھا پرفارم کرے گی، کھلاڑیوں کو بھرپور کارکردگی کا مظاہرہ کرنا ہوگا۔

ٹیم میں کئی تبدیلیاں کی گئی ہیں جس کا اعلان کل ہوگا: اظہرعلی

خیال رہے کہ پاکستان اور آسٹریلیا کے درمیان دوسرا اور آخری ٹیسٹ میچ کل کھیلا جائے گا، قومی ٹیم میں کئی تبدیلیوں کا امکان ہے جس کی تصدیق اظہر علی اپنی پریس کانفرنس میں کرچکے ہیں۔

سابق کپتان کی طرح موجودہ کپتان بھی جیت کے لیے پرعزم ہیں۔

fb-share-icon0
Tweet 20

Comments

comments

یہ بھی پڑھیں