سرگودھا میں ایف بی آر نے الیکٹرانک ٹولز کے ذریعے ساڑھے 23 ارب روپے کی ٹیکس چوری کا سراغ لگا لیا۔
کمشنر ایف بی آر راجہ بابر کا کہنا ہے صرف دو سال کے ڈیٹا تجزیہ کے بعد 383 رجسٹرڈ ٹیکس دہندگان اور 7 ہزار 519 غیر رجسٹرڈ افراد کی ٹیکس چوری پکڑی گئی ہے۔
کمشنر ایف بی آر کا کہنا ہے کہ 2021 اور 2023 میں فائل کیے گئے لاکھوں گوشواروں کے ڈیٹا کا تجزیہ کیا گیا تو چھوٹے سے ٹیکس بیس میں ساڑھے 23 ارب روپےکی ٹیکس چوری کا سراغ لگایا گیا۔
اس پیٹرن پر پاکستان بھر سے کارروائی کے بعد ایک اشاریہ چار ٹرلین روپے کی آمدن متوقع ہے۔
