لاہور: تحریک انصاف پنجاب کے آرگنائزرچوہدری سرور کا کہنا ہے کہ اس بارمسلم لیگ ن کوضمنی انتخاب میں تحریک انصاف کا مینڈیٹ چرانے نہیں دیا جائے گا۔
تفصیلات کے مطابق این اے 122 کی انتخابی مہم سے خطاب کرتے ہوئے چوہدری سرور نے کہا کہ بطورگورنران کے ہاتھ بندھے تھےلہذا وہ عوام کو انصاف مہیا نہیں کرسکے۔
انکا کہنا تھا کہ کئی دہائیوں سے پیپلزپارٹی اورمسلم لیگ ن دھاندلی سے عوامی مینڈیت چوری کرتے آئے ہیں لیکن اب یہ روایت ختم ہونی چاہیے۔
انہوں نے مسلم لیگ ن کو تنبیہہ کی کہ 2013 کی طرز کی دھاندلی کی کوشش مسلم لیگ ن کوبہت مہنگی پڑے گی۔
واضح رہے کہ چوہدری محمد سرورنے رواں سال 29 جنوری کوگورنرپنجاب کے عہدے سے استعفیٰ دیا تھا۔
استعفیٰ دیتے وقت ان کا موقف تھا کہ مسلم لیگ ن کی حکومت انہیں بحیثیت گورنر ان کے فرائض انجام دینے نہیں دے رہی اور وہ عوام کو انصاف فراہم کرنے میں ناکام ہیں۔
انہوں نے 10 فروری 2015 کو پاکستان تحریک انصاف میں شمولیت اختیار کی تھی۔
