The news is by your side.

Advertisement

دہشت گردوں‌ نے ٹرین ہائی جیک کرلی، 400 مسافر یرغمال، سنسنی خیز ٹریلر

واشنگٹن: ہالی ووڈ فلم ایس اے ایس، ریڈ نوٹس کا سنسنی خیز ٹریلر جاری کردیا گیا۔

بین الاقوامی میڈیا رپورٹ کے مطابق ایس اے ایس، ریڈ نوٹس فلم ٹرین ہائی جیک کرنے والے دہشت گردوں کے خلاف ہونے والے خصوصی آپریشن پر بنائی گئی ہے۔

انٹرنیٹ پر جاری ہونے والے ٹریلر میں دیکھا جاسکتا ہے کہ یورو اسٹار ٹرین میں سوار چار سو مسافر اپنی منازل کی جانب رواں‌ دواں تھے کہ ٹرین کو دہشت گردوں نے ہائی جیک کیا اور تمام مسافروں کو یرغمال بنا لیا۔

دہشت گردوں نے مسافروں کو چھوڑنے کے لیے اپنی شرائط رکھیں جنہیں مسترد کیا گیا اور پھر مسافروں کی رہائی کے لیے فورسز نے اغوار کاروں کے خلاف بھرپور آپریشن کیا اور انہیں باحفاظت بازیاب کروایا۔ ایکشن اور سنسنی خیز مناظر سے بھرپور فلم 16 مارچ کو ریلیز کی جائے گی۔

فلم میں اینڈی سیرکیس، ٹام ویلکینسن، نویل کلرک اور ٹام ہوپر کردار ادا کرتے نظر آئیں گے۔ ایس اے ایس، ریڈ نوٹس کی کہانی لارنس مالکین نے لکھی جبکہ اسے مونگس مارٹنز نے ڈائریکٹر کیا ہے۔

Comments

یہ بھی پڑھیں