کراچی کے علاقے سعودآباد کی لیاقت مارکیٹ میں شہری درندہ بن گیا،مارکیٹ کے بیچ کتے کے گلے میں رسی ڈال کر پھانسی لگادی۔
ملزم اکمل کو ویڈیو میں دیکھا جاسکتا ہے،کتے کو پہلے ایک سفید بوری میں بند کیا گیا تھا،بوری کے اندر ہی کتے کے گلے میں رسی ڈال کر پھندہ لگایا گیا، رسی کھینچنے میں ایک اور شخص نے بھی ملزم کا ساتھ دیا۔
ویڈیو میں دیکھا جاسکتا ہے کہ کتا زور سے پاوں ہلانے لگا تو دوسرے شخص نے رسی چھوڑ دی، ملزم اکمل رسی کھینچ کر کتے کو اوپر لے آیا۔
- Advertisement -
ویڈیو سوشل میڈیا پر وائرل ہوتے ہی پولیس کا ایکشن لیا، پولیس کا کہنا ہے کہ درندہ صفت ملزم اکمل علی کو گرفتار کرکے لاک اپ کردیا گیا۔
پولیس نے بتایاکہ ملزم کو گرفتار کرنے گئے تو اس نے فرار ہونے کی کوشش کی،گرفتار ملزم کے خلاف سرکار مدعیت میں مقدمہ بھی درج کرکے قانونی کارروائی کی جارہی ہے۔
