سعودی ایئرلائن نے ایک اور اہم اعزاز حاصل کرتے ہوئے وقت کارکردگی کے لئے عالمی فہرست میں پہلی پوزیشن حاصل کرلی۔
ترجمان ایئرلائن کا کہنا ہے کہ سعودی ایئرلائن نے مسلسل دوسری بار یہ اعزاز حاصل کیا ہے جو آپریشنل کارکردگی میں عمدگی کیلئے ایئر لائن کے عزم کی عالمی سطح پر پذیرائی ہے۔
ہوا بازی کی صنعت سے متعلق عالمی ویب سائٹ 2024ء کی رپورٹ میں ایئرلائن کی پہلی پوزیشن رہی۔
ایئرلائن کی مستقل بر وقت روانگی پاکستانی مسافروں کیلئے خاص طور پر سودمند ہے، جو ہموار سفری تجربے کیلئے پروازوں کی وقت پر روانگی کو ترجیح دیتے ہیں۔
پاکستان سے سفر کرنے والے مسافروں کیلئے یہ اعتبار انتہائی اہمیت رکھتا ہے، سعودی ایئرلائن نے بروقت پروازوں کی روانگی پر اعتماد برقرار رکھا ہے۔
ترجمان کے مطابق سعودی ایئرلائن کے مسافروں کو کنیکٹنگ پروازوں میں بھی سہولت میسر ہے جبکہ سعودی ایئرلائن نے چار براعظموں میں 100 سے زائد روٹس پر 16503 پروازوں کی بروقت آمد کی 88.12فیصد رہی۔
ترجمان نے بتایا کہ ایئر لائن نے پروازوں کی بر وقت روانگی کی 88.15 فیصد کی متاثر کن شرح حاصل کی ہے۔
مدینہ منورہ میں موسلا دھار بارش، روح پرور مناظر کی ویڈیو
بیان میں کہا گیا کہ سعودی ایئرلائن آئندہ چند برسوں میں اپنے فضائی بیڑے میں مزید 103جدید نئے طیارے شامل کرے گا، سعودی وژن 2030 کے مطابق اس اقدام سے سعودی عرب اور پاکستان کے درمیان سفر اور دوطرفہ تجارت کو فروغ ملے گا۔
