سعودی عرب میں مختلف شہروں کے ایئرپورٹس پر 2024 کے دوران ریکارڈ 128 ملین مسافروں کو بہترین خدمات فراہم کی گئیں، جس میں کورونا سے پہلے کے مقابلے میں 25 فیصد اور 2023 کے مقابلے میں 15 فیصد اضافہ ہوا ہے۔

سعودی خبر رساں ادارے کی رپورٹ کے مطابق سعودی جنرل اتھارٹی آف سول ایوی ایشن کی جاری کردہ ایئر ٹریفک 2024 کی رپورٹ میں کہا گیا ہے کہ سعودی ایئرپورٹس سے آپریٹ ہونے والی پروازوں کی تعداد میں 2023 کے مقابلے میں 11 فیصد اضافہ ہوا، جبکہ 59 ملین مسافروں نے ڈومیسٹک پروازوں جبکہ 69 ملین افراد نے انٹرنیشنل روٹس پر سفر کیا۔

رپورٹس کے مطابق ایئر کارگو آپریشنز میں بھی نمایاں ترقی دیکھنے میں آئی جو 2024 میں 34 فیصد بڑھ کر 1.2 ملین ٹن سے تجاوز کرگئی۔

مملکت میں مجموعی پروازوں کی تعداد 9 لاکھ 5 ہزار تک پنہچ گئی جس میں 4 لاکھ 74 ہزار ڈومیٹسک جبکہ 4 لاکھ 31 ہزار انٹرنیشنل پروازیں شامل ہیں۔

حج سیزن کے دوران 9 مئی سے 21 جولائی تک ایئر ٹریفک میں نمایاں اضافہ دیکھا گیا۔ اس دوران 1.5 ملین عازمین سعودی عرب پہنچے۔ جو کل انٹرنیشنل مسافروں کا 40 فیصد ہیں۔

مملکت کے تین بڑے ائیر پورٹس جدہ، ریاض اور دمام پر مجموعی طور پر 1.17 ملین ٹن کارگو ہینڈلنگ کی گئی، ریاض، جدہ، دمام اور مدینہ منورہ ایئرپورٹس پر کل ائیر ٹریفک کا 82 فیصد حصہ رہا۔

واضح رہے کہ 2024 میں جدہ کے کنگ عبدالعزیز انٹرنیشنل ایئرپورٹ نے ایک تاریخی سنگ میل b[yحاصل کیا۔

سعودی ایئرپورٹس پر مسافروں کیلیے زبردست سہولت متعارف

سعودی ایئرپورٹس پر مسافروں کی تعداد گزشتہ برس 2023 کے مقابلے میں 14 فیصد زیادہ ہے جبکہ سعودی ایئرپورٹس میں سب سے زیادہ 94.1 ملین مسافروں کو خدمات فراہم کی گئیں۔

مملکت کی قومی سیاحت کی حکمت عملی کا مقصد 2030 تک 150 ملین سیاحوں کو راغب کرنا اور جی ڈی پی میں سیاحتی شعبے کا حصہ 6 فیصد سے بڑھا کر 10 فیصد کرنا ہے۔