The news is by your side.

Advertisement

سعودی عرب نے ورک ویزہ پر بھی پابندی عائد کر دی

ریاض: سعودی حکومت نے عمرہ اور سیاحتی ویزے کے بعد ورک ویزے پر بھی پابندی لگا دی ۔

تفصیلات کے مطابق کورونا وائرس کے خطرے کے باعث سعودی حکومت نے ورک ویزے پر پابندی کا اعلان کردیا اس متعلق پاکستان میں سعودی سفارتخانے نے متعلقہ اداروں اور ایجنسیوں کو تحریری طور پر آگاہ کر دیا ہے۔

فیصلے کے بارے میں اعتماد ،اوورسیز اپملامنٹ پرموٹرز اور عمرہ ٹریول اور ٹورز اپر یٹر ز کو خط لکھے دئیے گئے ہیں۔

اسی طرح کورونا وائرس کی روک تھام کے لئے اقامہ ویزے پر بھی عارضی طور پر پابندی لگا دی گئی ہے ۔ پابندی کا اطلاق 13مارچ سے ہوگا ۔

البتہ ڈاکٹرز، نرسز اور میڈیکل ویزہ ہولڈرز پر پابندی کا اطلاق نہیں ہو گا۔ سعودی سفارتخانے نے تاحکم ثانی اقامہ ویزے پر پابندی لگائی ہے ۔

یہ بھی پڑھیں: پاکستان اور بھارت میں موجود اقامہ ہولڈرز کے لئے سعودی عرب کا اہم اعلان

قبل ازیں سعودی عرب نے پاکستان اور بھارت سمیت کرونا وائرس سے متاثرہ ممالک سے اقامہ رکھنے والے تارکین کو واپس آنے کے لیے 72 گھنٹے کی مہلت دیتے ہوئے ان ممالک کے سفر پر عارضی پابندی بھی عائد کردی۔

وزارت داخلہ کے سرکاری ذرائع کی جانب سے بیان میں کہا گیا ہے کہ سعودی حکومت نے ایسے ممالک جہاں کرونا وائرس پھیلنے کا خطرہ ہے ، وہاں شہریوں اور مقیم غیر ملکیوں کی حفاظت یقینی بنانے کے لیےعارضی طور پر سفری پابندی لگانے کا فیصلہ کیا ہے۔

یاد رہے دو روز قبل کرونا وائرس سے بچاؤ کیلئے سعودی حکومت نے اہم اقدامات کرتے ہوئے اپنے ان تمام شہریوں کو جو متحدہ عرب امارات اور بحرین میں موجود ہیں ، انہیں تین دن کے اندر اندر وطن واپس آنے کا حکم دیا تھا۔

اس قبل سعودی عرب نے سعودی شہریوں اور مقیم غیر ملکیوں پر نو ممالک کے سفر پر پابندی عائد کرتے ہوئے ان ممالک سےفضائی اور بحری رابطے بھی عارضی طور پر معطل کردیے تھے۔

واضح رہے سعودی عرب نے کرونا وائرس کے مریضوں کی تعداد میں اضافے کے بعد وزات داخلہ نے قطیف شہر کو بند کرنے کا اعلان کرتے ہوئے کہا تھا کہ ’شہر میں کسی کو داخل ہونے اور نہ ہی شہریوں کو گھر سے باہر نکلنے کی اجازت ہوگی‘۔

fb-share-icon0
Tweet 20

Comments

comments

یہ بھی پڑھیں