ریاض : سعودی عرب کی فوجی ساز و سامان تیار کرنے والی کمپنی نے اعلان کیا ہے کہ سنہ 2020 میں جدہ میں طیاروں کے پرزوں کی تیاری شروع کی جائے، جس کے بعد سعودی عرب طیاروں کی پرزہ سازی میں خود کفیل ہوجائے گا۔
تفصیلات کے مطابق سعودی عرب کی طیارہ ساز کمپنی نے اعلان کیا ہے کہ سنہ 2020 میں فضائی کمپنی ’اے سی سی اے‘ کے ہمراہ طیاروں کے بنیادی ڈھانچے اور پُرزوں کی تیاری شروع کی جائے گی۔
سعودی عرب کی فوجی ساز و سامان تیار کرنے والی کمپنی ’ایس اے ایم آئی‘ کی جانب سے جدہ میں طیاروں کے پُرزوں کی تیاری کا کام تیزی سے جاری ہے۔
فوجی ساز و سامان تیار کرنے والی کمپنی کے چیف ایگزیکٹو منصور العید نے میڈیا سے گفتگو کرتے ہوئے بتایا کہ سعودی عرب سنہ 2020 تک ’ٹائفون’ طایرے کے پُرزے کا کام شروع کردے گا جبکہ مسافر بردار طیاروں کے پرزوں کی تیاری کا کام سنہ 2019 میں ہی شروع کردیا جائے گا۔
غیر ملکی خبر رساں اداروں کے مطابق کمپنی کے چیف ایگزیکٹو کا کہنا تھا کہ طیاروں کے پرزے سعودی عرب میں تیار کرنے سے ملکی اخراجات میں کمی آئے گی جبکہ پرزوں کو درآمد کرکے ان سے منافع حاصل کیا جاسکے گا۔
ان کا کہنا تھا کہ ’ایس اے ایم ای‘ کی جانب سے جہازوں کے پرزوں کی تیاری سے مملکت کی پیداوار اضافہ ہوگا، جبکہ سعودی افواج کو دیگر ممالک کو سے طیاروں کے پرزے خریدنے کی ضرورت نہیں رہے گی اور سعودی عوام کو روز گار کے مواقع مہیا ہوں گے۔
منصور العید کا کہنا تھا کہ سعودی عرب 3 برسوں میں 450 شہریوں مذکورہ شعبے میں کو برسر روز گار لایا ہے۔ مملکت مزید شعبوں میں عوام کے لیے ملازمتیں نکالے گی۔
خبر کے بارے میں اپنی رائے کا اظہار کنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
