The news is by your side.

Advertisement

سعودی عرب: پیٹرولیم مصنوعات کی قیمتوں کا اعلان

ریاض: سعودی تیل کمپنی ‘آرامکو’ نے اکتوبر کیلئے پٹرولیم مصنوعات کے سابقہ نرخ برقرار رکھنے کا اعلان کیا ہے۔

عرب میڈیا کی رپورٹ کے مطابق سعودی عرب میں پٹرولیم مصنوعات کی قیمتیں رواں ماہ(اکتوبر) کے لیے بھی وہی رہیں گی جو گزشتہ ماہ تھیں۔ آرامکو نے قیمتیں جاری کردی ہیں۔

رپورٹ میں بتایا گیا کہ نرخ 11 اکتوبر سے نافذ العمل ہوں گے، اکتوبر میں مملکت کے تمام ریجنز میں پٹرول 91 کے نرخ فی لٹر دو ریال 18 ہلالہ جبکہ پٹرول 95 کے نرخ 2 ریال 33 ہلالہ مقرر کیے گئے ہیں۔

اسی طرح ڈیزل 52 ہلالہ فی لٹر اور کیروسین 70 ہلالہ فی لٹر میں دستیاب ہے جبکہ ایل پی جی کے نرخ 75 ہلالہ ہیں۔

خیال رہے کہ سعودی تیل کمپنی کی جانب سے ہر ماہ کی دس تاریخ کو پٹرول اور ڈیزل کے نئے نرخ متعین کیے جاتے ہیں۔ آرامکو دنیا کی سب سے بڑی آئل کمپنی ہے۔

یہ بھی یاد رہے ستمبر میں بھی پٹرول کے نرخوں میں اضافہ نہیں کیا گیا تھا اور سابقہ نرخ برقرار رکھے گئے تھے۔

Comments

یہ بھی پڑھیں