The news is by your side.

Advertisement

سعودی عرب کا انٹرنیشنل پروازوں سے متعلق اہم اعلان

ریاض: سعودی حکومت نے دارالحکومت ریاض سے بین الاقوامی فضائی آپریشن شروع کرنے کا اعلان کر دیا۔

تفصیلات کے مطابق 8 جون سے ریاض کے کنگ خالد ایئرپورٹ سے انٹرنیشنل فلائٹ آپریشن کا آغاز کیا جائے گا۔

اس ضمن میں ریاض ائیرپورٹ اتھارٹی نے سرکلر جاری کرتے ہوئے تمام ایئرلائنز کو 8 جون سے بین الاقوامی پروازیں بحال کرنے سے متعلق فیصلے سے آگاہ کر دیا ہے، بین الاقوامی پروازوں سے متعلق یہ فیصلہ با اختیار اعلیٰ حکام کی طرف سے کیا گیا ہے۔

سرکلر میں تمام ایئرلائنز کو پروازوں کے لیے طے شدہ ایس او پیز پر سختی سے عملدرآمد کرنے کی ہدایت کرتے ہوئے احتیاطی تدابیر اپنانے کا پابند بنایا گیا ہے۔

اتھارٹی کا کہنا ہے کہ بین الاقوامی پروازوں کی بحالی سے ریاض سے جانے اور واپسی کے خواہشمند مسافر فائدہ اٹھا سکیں گے۔

اس سے قبل سعودی عرب کے 11 ایئر پورٹس پر داخلی پروازیں 31 مئی سے بحال کر دی گئی تھیں، محکمہ شہری ہوا بازی کا کہنا تھا کہ پروازیں کئی مرحلوں میں بحال ہوں گی، 2 ہفتوں کے دوران ملک کے تمام ایئر پورٹس کے لیے پروازیں مہیا ہوں گی۔

پہلے مرحلے کے لیے پروازوں کا آغاز ریاض، جدہ، دمام، مدینہ منورہ، قصیم، ابہا، تبوک، جازان، حائل، باحہ اور نجران سے ہوگا۔

Comments

یہ بھی پڑھیں