The news is by your side.

Advertisement

سعودی عرب میں ویکسین نہ لگوانے والوں پر پابندیوں کا اعلان

سعودی عرب نے کورونا سے بچاؤ کی ویکسینیشن نہ کرنے والے افراد پر پابندیوں کا اعلان کر دیا۔

سعودی وزارت تجارت کے مطابق ویکسین نہ لگوانے والوں پر پابندی عائد کر دی گئی ہے ویکسین ‏نہ لگوانے والوں کو تجارتی اداروں، شاپنگ سینٹرز میں داخلے کی اجازت نہیں ہو گی۔ ‏

سعودی وزارت تجارت کا کہنا ہے کہ پابندی کا اطلاق یکم اگست 2021 سے ہو گا۔

حکام کے مطابق وہ افراد جو ویکسین کی ایک یا دو خوراک لے چکے ہوں تو ایپ سے ان تصدیق ‏کی جائےگی البتہ عمریاصحت کےمسائل کی وجہ سے ویکسین نہ لینے والے افراد پابندی سے ‏مستثنیٰ ہوں گے۔

وزارت تجارت نے واضح کیا ہے کہ بھیڑ والے تجارتی مراکز کی سرگرمیوں پر بھی پابندی عائد کی ‏گئی ہے اور خلاف ورزی کرنے والے تجارتی اداروں کو سیل یا بھاری جرمانہ ہو گا۔

واضح رہے کہ وزارت حج و عمرہ نے رواں سال حج کے خواہش مند مقامی اور مقیم غیر ملکیوں ‏کی رجسٹریشن کے پہلے مرحلے کا اعلان کرتے ہوئے ویب سائٹ جاری کی ہے۔

حج سے متعلق ویب سائٹ پر پہلے مرحلے کے لیے رجسٹریشن کا آغاز آج سے ہوگیا ہے اور ‏رجسٹریشن کا یہ عمل 13 ذی القعدہ کو رات 10 بجے تک جاری رہے گا۔

وزارت کا مزید کہنا تھا کہ اس مرتبہ 60 ہزار عازمین، حج ادا کریں گے۔ خواہش مند افراد کے لیے ‏ویکسینیشن لازمی ہے، اور وہ افراد جن کی صحت بہتر ہو اور وہ کسی قسم کے وبائی مرض میں ‏مبتلا نہ ہوں۔

Comments

یہ بھی پڑھیں