سعودی عرب کے الباحہ پولیس نے خاتون کو چھیڑنے پر بھارتی شہری کو حراست میں لے لیا۔
سعودی خبر رساں ادارے کی رپورٹ کے مطابق پولیس کا اس حوالے سے کہنا ہے کہ بھارتی شہری انٹونی راج نے خاتون کو چھیڑ کر قانون کی خلاف ورزی کی ہے۔
حکام کا کہنا ہے کہ مذکورہ شخص سے تفتیش شروع کردی گئی ہے، جبکہ ضابطے کی کارروائی مکمل کرنے کے بعد اسے پبلک پراسیکیوشن میں پیش کیا جائے گا۔
اس سے قبل بھی سعودی عرب کے القصیم ریجن میں سیکیورٹی فورس نے کارروائی کرتے ہوئے لڑکی کو ہراساں کرنے پر ایک بھارتی کو حراست میں لے لیا تھا۔
’ایس پی اے‘ کے مطابق سیکیورٹی فورس کا کہنا تھا کہ بھارتی شہری اسلام علی خان نے لڑکی کو ہراساں کیا تھا جس کے بعد اسے گرفتار کرلیا گیا۔
سیکیورٹی فورس نے اس حوالے سے تمام تفصیلات اپنے ایکس (ٹوئٹر) اکاؤنٹ پر شیئر کیں اور کہا ہے کہ تمام قانونی کارروائی کے بعد اسے پبلک پراسیکیوشن کے حوالے کردیا گیا۔
بھارت خواتین کیلئے دنیا کا سب سے خطرناک ملک قرار، ہر 16 منٹ میں ایک ریپ
سیکیورٹی فورس کے مطابق ہراساں کرنے، چھیڑ خانی اوراسی طرح کے دیگر کیسز میں گرفتار کیے جانے والوں کے بارے میں تمام تفصیلات سے میڈیا کوآگاہی فراہم کی جائے گی۔
