"کراچی : کورونا وائرس کے پھیلاؤ کی روک تھام کیلئے سعودی حکومت نے اقدامات کیے ہیں، اس حوالے سے سعودی ایوی ایشن "گاکا نے نیا سفری ہدایت نامہ جاری کردیا ہے۔
سعودی عرب سے بیرون ملک سفر کرنے والے مسافروں کے لیے کورونا ٹیسٹ لازمی قرار دے دیا گیا، گاکا انتظامیہ کا کہنا ہے کہ سعودی وزارت صحت کی ہدایت پر عمل درآمد کیا جارہا ہے۔
- Advertisement -
جنرل اتھارٹی برائے سول ایوی ایشن کے مطابق صرف سعودی وزارت صحت کی جانب سے نامزد لیبارٹریز کے ٹیسٹ ہی قابل قبول ہوں گے، گاکا نے وزارت صحت کی جانب سے نامزد کردہ لیبارٹریز کی فہرست جاری کردی۔
فہرست میں شامل۔29 لیبارٹریز کا تعلق دارالحکومت ریاض، جدہ سمیت مختلف شہروں سے ہے، کاگا نے تمام ائرلائنز کو ہدایت نامے پر عملدرآمد یقینی بنانے کی ہدایت سختی سے ہدایت کی ہے۔
