The news is by your side.

Advertisement

سعودی عرب : موسم کے مطابق پروازوں کی روانگی کا شیڈول کیا ہوگا؟

مکہ المکرمہ : سعودی سول ایوی ایشن نے مملکت میں موسم کی خراب صورتحال کے باوجود جدہ ایئر پورٹ پر کوئی بھی پرواز مؤخر یا منسوخ نہیں کی ہے، فلائٹ آپریشن معمول کے مطابق جاری ہے۔

اس حوالے سے سعودی عرب میں مکہ گورنریٹ نے کہا ہے کہ کنگ عبدالعزیز انٹرنیشنل ایئرپورٹ جدہ سے پروازوں کی آمد ورفت کا سلسلہ جاری ہے اور پروازیں مؤخر نہیں کی گئی ہیں۔

سعودی ذرائع ابلاغ کے مطابق مکہ گورنریٹ کی جانب سے ایک بیان میں کہا گیا ہے کہ موسمی حالات کی وجہ سے ایئرپورٹ پر پروازوں کا سلسلہ متاثر نہیں ہوا اور کوئی بھی پرواز منسوخ نہیں کی گئی۔

یاد رہے کہ محکمہ موسمیات کے قومی مرکز نے گذشتہ روز شہریوں کو خبردار کیا تھا کہ بدھ کے روز بھی جدہ میں گردو غبار کا طوفان جاری رہے گا اور حد نظر انتہائی محدود ہوجائے گی۔

محکمہ موسمیات کے قومی مرکز کا یہ بھی کہنا تھا کہ تیز ہواؤں کا زور نہیں ٹوٹا اور گرد آلود ہوائیں چلنے کا سلسلہ جاری رہنے کا امکان ہے۔

Comments

یہ بھی پڑھیں