سعودی عرب کی جانب سے رواں سال بھی حج کے حوالے سے بڑا فیصلہ کرتے ہوئے بچوں کے داخلے پر عائد پابندی کو برقرار رکھا گیا ہے۔
سعودی خبر رساں ادارے کی رپورٹ کے مطابق یہ فیصلہ فروری 2025 میں سامنے آیا تھا جس پر عملدرآمد جاری ہے۔
سعودی وزارت حج و عمرہ کے مطابق یہ فیصلہ حج کے دوران بڑھتے ہوئے ہجوم کے باعث کیا گیا ہے اور بچوں کی حفاظت کے پیش نظر انہیں حج کرنے سے روک دیا گیا ہے۔
واضح رہے کہ سعودی عرب میں فلکیاتی سوسائٹی کا اپنے بیان میں کہنا ہے کہ آج 27 مئی کی دوپہر کو سورج عین خانہ کعبہ کے اوپر ہوگا۔
رپورٹ کے مطابق مکہ مکرمہ کے وقت کے مطابق دوپہر 12:18 پر یہ فلکیاتی نظارہ دیکھا جاسکے گا۔
فلکیاتی ماہرین کے مطابق سالانہ بنیاد پر یہ نظارہ کیا جاتا ہے جس سے دنیا بھر میں خانہ کعبہ کی سمت کے تعین کرنے میں مدد ملتی ہے۔
رپورٹس کے مطابق رواں سال رواں 2025 میں سورج کا خانہ کعبہ کے عین اوپر آنے کا یہ پہلا واقعہ ہے۔
فلکیاتی سوسائٹی قصیم ریجن کے صدر عیسی الغفیلی نے بتایا کہ سورج کے اس طرح خانہ کعبہ کے عین اوپر عمودی شکل میں آنے سے بغیر کسی جدید آلات کا استعمال کیے قبلہ رخ کا درست تعین کیا جاسکے۔
سعودی عرب میں ذوالحج کے چاند سے متعلق ماہر فلکیات کی اہم پیش گوئی
دنیا کے کسی بھی مقام سے سورج کا تعین کرنے کے لیے مکہ وقت کے مطابق سورج کو دیکھا جائے اور جس سمت میں اس وقت سورج دکھائی دے گا وہ قبلہ کی سمت ہوگی۔
