ریاض : محکمہ شہری ہوا بازی نے ماہ جنوری کے دوران سعودی عرب کے ڈومیسٹک اور انٹرنیشنل ہوائی اڈوں کی 14 معیارات کی بنیاد پر کارکردگی رپورٹ جاری کی ہے۔
سعودی پریس ایجنسی کے مطابق ہوائی اڈوں کی کارکردگی پر مشتمل رپورٹ بہترین خدمات کی فراہمی کو فروغ دینے کے لیے ہے۔
مذکورہ رپورٹ میں مدینہ منورہ کے شہزادہ محمد بن عبد العزیز انٹر نیشنل ایئرپورٹ، الجوف انٹر نیشنل ایئرپورٹ اور باحہ میں کنگ سعود ایئر پورٹ نے نمایاں پوزیشن حاصل کی ہے۔
محکمہ شہری ہوابازی نے بین الاقوامی ہوائی اڈوں میں بہترین کارکردگی کے معیارات کے بنیاد پر مدینہ منورہ کے شہزادہ محمد بن عبد العزیز ایئرپورٹ کو اول درجہ قرار دیا ہے۔
اس کے علاوہ جدہ کے کنگ عبد العزیز انٹر نیشنل ایئرپورٹ کو دوم، دمام کے کنگ فہد انٹرنیشنل ایئرپورٹ کو سوم جبکہ ریاض کے کنگ خالد انٹر نیشنل ایئرپورٹ کو چہارم درجہ دیا گیا ہے۔
رپورٹ کے مطابق ڈومیسٹک ہوائی اڈوں میں باحہ کا کنگ سعود ایئرپورٹ اول نمبر پر ہے جس کی انتظامیہ نے ماہ جنوری کے دوران بہترین کارکردگی کا مظاہرہ کیا ہے۔
