site
stats
عالمی خبریں

سعودی عرب کے شہر قطیف میں‌ کار بم دھماکا، دو ہلاک

ریاض: سعودی عرب کے شہر قطیف میں کار بم دھماکا ہوا ہے جس کے نتیجے میں دو افراد ہلاک ہوگئے۔

عرب میڈیا کے مطابق دھماکا سعودی عرب کے شہر قطیف کے اس علاقے میں ہوا ہے جہاں اہل تشیع افراد کی آبادی زیادہ ہے۔

دھماکے کے فوری بعد ہنگامی صورتحال نافذ کردی گئی ہے، پولیس اور دیگر سیکیورٹی اداروں سمیت امدادی ادارے جائے وقوع پہنچ گئے اور انہوں نے اسے سیل کردیا ۔

ایک عینی شاہد نے بتایا کہ دھماکا بہت زور دار تھا تاہم وہ یہ نہیں بت اپایا کہ دھماکا کار میں نصب بم سے ہوا یا کوئی خودکش حملہ ہوا۔

سعودی ٹیلی ویژن العربیہ کے مطابق دھماکا کار میں ہوا ہے۔

کار بم دھماکے کی تصاویر اور ویڈیو تیز ی سے سوشل میڈیا پر شیئر کی جارہی ہیں جس میں دیکھا جاسکتا ہے کہ کار میں آگ لگی ہوئی ہے اور ار دگرد کالا دھواں تیزی سے پھیل رہا ہے۔

دھماکے کی ابھی ابتدائی اطلاعات موصول ہوئی ہیں تاہم مزید اطلاعات موصول ہورہی ہیں جس میں زخمی یا ہلاک افراد کی تعداد سے متعلق پتا چل سکے گا۔

رائٹر کے مطابق دھماکا کار کے اندر ہوا جس میں دو افراد ہلاک ہوئے ہیں ، گاڑی کے اندر جلی ہوئی دو لاشیں دیکھی جاسکتی ہیں، یہ اطلاعات بھی ہیں گاڑی میں دھماکہ خیز مواد موجود تھا۔

سعودی سیکیورٹی کی جانب سے تاحال دھماکے کی نوعیت، زخمیوں اور ہلاکتوں سے متعلق کوئی بیان جاری نہیں کیا گیا۔

خبر مزید اپ ڈیٹ کی جارہی ہے

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top