ریاض : سعودی وزارت صحت نے کہا ہے کہ کورونا وائرس کی نئی شکل اومیکرون سے محفوظ رہنے کے لیے بوسٹرڈوز اب 16 برس کی عمر کے نوجوانوں کو بھی دی جائے گی۔

کورونا سے بچاؤ کےلیے دی جانے والی تیسری خوراک "بوسٹرڈوز” دوسری خوراک لگائے جانے کے تین ماہ بعد لگائی جاسکتی ہے۔

بوسٹر ڈوز لگوانے کےلیے 16 یا اس سے زائد عمر والے پہلی فرصت میں اپائنٹمنٹ لے سکتے ہیں۔ سبق ویب سائٹ کے مطابق وزارت صحت کی جانب سے اس سے قبل کورونا وائرس کے حوالے سے 5 سے 11 برس تک کے بچوں کے لیے بھی ویکسینیشن کا آغاز کیا جاچکا ہے۔

مذکورہ عمر کے بچوں کو ویکسین کی پہلی خوراک دی جارہی ہے۔ وزارت صحت نے اطمینان دلایا کہ دنیا بھر میں 50 لاکھ بچوں کو ویکسین دی جا چکی ہے اور کسی بھی ملک سے5 سے گیارہ برس تک کے بچوں کو ویکسین دیے جانے پر کسی طرح کی کوئی شکایت ریکارڈ پر نہیں آئی۔