The news is by your side.

Advertisement

سعودی عرب: اہم قانون میں تبدیلی

ریاض: سعودی عرب میں عطیات جمع کرنے اور اندرون ملک خرچ کرنے سے متعلق قانون کے مسودے کی منظوری دے دی گئی، ترمیم کا مقصد دہشت گردی کی فنڈنگ کو روکنے کے لیے چور راستے بند کرنا ہے۔

سعودی ویب سائٹ کے مطابق سعودی مجلس شوریٰ کا آن لائن اجلاس منعقد ہوا جس کی صدارت شیخ ڈاکٹر عبد اللہ آل الشیخ نے صدارت کی۔

ارکان شوریٰ نے ملک کے اندر عطیات جمع کرنے اور خرچ کرنے سے متعلق قانون کے مسودے میں کئی ترامیم کی ہیں۔

شوریٰ نے قانون عطیات کی پندرہویں اور سولہویں دفعات اور 18 ویں دفعہ کی 5 سے لے کر دسویں شق تک ترامیم مسترد کر دیں۔

عطیات کے قانون میں کی جانے والی ترامیم کے مطابق دہشت گردی کی فنڈنگ کو روکنے کے لیے تمام چور راستے بند کیے جا رہے ہیں، قانون کے بموجب بیرون مملکت سے کسی بھی شخص کو اندرون ملک عطیات جمع کرنے یا اس میں تعاون دینے کی اجازت نہیں ہے۔

Comments

یہ بھی پڑھیں