The news is by your side.

Advertisement

کورونا وائرس : سعودی عرب سے اچھی خبر آگئی

ریاض : سعودی عرب میں کورونا کے مزید 1383 کیسز کی تصدیق ہوئی ہے جبکہ اس مہلک مرض سے صحت یاب ہونے والوں کی تعداد میں غیر معمولی اضافہ ہو رہا ہے۔

سعودی وزارت صحت کی جانب سے یومیہ اعداد و شمار کے مطابق گذشتہ 24 گھنٹوں کے دوران مملکت کے مختلف شہروں میں 2 ہزار566افراد صحت یاب ہوئے جس کے ساتھ اس مرض سے شفایاب ہونے والوں کی مجموعی تعداد 2 لاکھ 62 ہزار 959 ہوگئی ہے۔

سعودی ذرائع ابلاغ کے مطابق ایک ہی دن میں مختلف شہروں میں کووڈ 19 سے 35 افراد ہلاک ہونے کے بعد مجموعی ہلاکتوں کی تعداد 3 ہزار 338 تک پہنچ گئی۔

مملکت میں اب تک ریکارڈ ہونے والے کورونا کیسز کی مجموعی تعداد 2 لاکھ 95 ہزار 2 ہو گئی ہے، وزارت صحت کا مزید کہنا ہے کہ مختلف ہسپتالوں میں 2 ہزار 960 افراد کا علاج جاری ہے جن کی حالت تسلی بخش ہے جبکہ17سو 82 افراد کو نازک حالت کی وجہ سے انتہائی نگہداشت کے یونٹ میں رکھا گیا ہے۔

وزارت صحت کی جانب سے جاری اعداد و شمار کے مطابق جمعہ 14 اگست کو مکہ میں مریضوں کی تعداد 81 رہی جبکہ حائل میں77، جدہ69 ، ریاض63، الھفوف 58، جازان57 ، مدینہ44 ، دمام 44 ، بریدہ39 ، عنیزہ36 ، طائف35، ینبع اور حفر الباطن میں 31، 31 افراد میں کورونا وائرس کا ٹیسٹ مثبت آیا۔

بیش میں مریضوں کی تعداد 29 رہی جبکہ تبوک میں 28 ، نجران 25 ، خمیس مشیط 23 ، صامطہ21، قلوہ اور جبیل میں20 ،20 ، الخبر 16، احد المسارحہ 15 ، سبت العلایہ 14 ، ابھا اور وادی الدواسر میں13، 13 افراد میں کورونا وائرس کی تصدیق ہوئی۔

سعودی عرب کے 25 شہروں میں کورونا وائرس میں مبتلا ایک، ایک شخص پایا گیا جبکہ گیارہ شہروں میں مریضوں کی تعداد دو، دو اور 17 شہروں میں کووڈ وائرس کا شکار ہونے والوں کی تعداد تین، تین رہی، دیگر شہروں میں مریضوں کی تعداد 4 سے 12 تک رہی جن میں کورونا وائرس کا ٹیسٹ مثبت آیا۔

وزارت صحت کا کہنا ہے کہ کورونا وائرس کے خاتمے اور اس پر مکمل طور پر قابو پانے کے لیے سماجی فاصلے کے اصول پر سختی سے عمل کرنا لازمی ہے۔

اس حوالے سے ہاتھوں کی مستقل طور صفائی اور احتیاطی تدابیر کا خاص خیال رکھا جائے کیونکہ کورونا وائرس انسان سے انسان میں بڑی تیزی سے منتقل ہوتا ہے، اس لیے ماہرین کی جانب سے مقرر کردہ احتیاطی تدابیر پر عمل کرنا انتہائی اہم ہے۔

Comments

یہ بھی پڑھیں