The news is by your side.

Advertisement

سعودی عرب: ویکسین نہ لگوانے والے غیر ملکیوں کے لیے اہم خبر

ریاض: سعودی وزارت داخلہ نے کہا ہے کہ کرونا ویکسین نہ لگوانے والے غیر ملکیوں پر جرمانہ نہیں کیا جائے گا۔

تفصیلات کے مطابق سعودی وزارت داخلہ کے ترجمان کرنل طلال الشلھوب نے کہا ہے کہ مقیم غیر ملکیوں پر ویکسین نہ لگوانے کے لیے جرمانہ عائد نہیں کیا جائے گا۔

ترجمان نے واضح کیا کہ کرونا سے محفوظ رہنے کے لیے وزارت صحت نے جو قواعد و ضوابط وضع کیے ہیں، ان پرعمل کرنا اشد ضروری ہے، بیرون ملک سے آنے والوں کو آئسولیشن اور قرنطینہ کی پابندی کرنا لازمی ہے، اور ایسا نہ کرنے پر 2 لاکھ ریال اور 2 برس تک قید کی سزا دی جا سکتی ہے یا دونوں سزائیں بہ یک وقت بھی دی جا سکتی ہیں۔

آئسولیشن کی خلاف ورزی کرنے والا اگر غیر ملکی ہو تو اسے سزا پوری کرنے کے بعد مملکت سے بے دخل کر کے ہمیشہ کے لیے بلیک لسٹ کر دیا جاتا ہے۔

کرنل طلال نے کہا مقررہ ایس اوپیز پرعمل کرنا ہرایک کی ذمہ داری ہے تاکہ معاشرے کو کرونا وائرس کی وبا سے محفوظ رکھا جا سکے، نیز یکم اگست سے عوامی مارکیٹوں، سرکاری اور نجی دفاتر جانے کے لیے ویکسینیشن بنیادی شرط ہوگی۔

ہفتہ وار پریس کانفرنس میں ترجمان نے کہا ویکسین نہ لگوانے والے سرکاری و نجی اداروں، اسکولز اور شاپنگ مالز وغیرہ میں داخل نہ ہو سکیں گے۔

وزارت داخلہ کے ترجمان کا کہنا تھا سرکاری اداروں کی مقررہ تفتیشی ٹیمیں مملکت کے تمام ریجنز میں کرونا ایس او پیز پر عمل نہ کرنے والوں کے خلاف مہم جاری رکھے ہوئے ہیں۔

Comments

یہ بھی پڑھیں