تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب میں کرفیو : حکومت نے شہریوں کی بڑی مشکل آسان کردی

ریاض : سعودی عرب کے محکمہ صحت نے کرفیو کے دوران شہریوں کو ادویات کی مفت فراہمی کا اعلان کیا ہے، اس کے علاوہ مریضوں کا آن لائن چیک اپ کرنے کی سہولت بھی دی جارہی ہے۔

تفصیلات کے مطابق سعودی حکومت نے کرفیو کے دوران شہریوں کی پریشانیوں کو مد نظر رکھتے ہوئے مریضوں کیلئے ان کے گھروں پر ادویات مفت بھیجنے کا فیصلہ کیا ہے۔

اس حوالے سے سعودی وزارت نیشنل گارڈز کے ماتحت ادارہ صحت نے اعلان کیا ہے کہ ہوم ڈلیوری کمپنیوں کی مدد سے مریضوں کو ان کی مطلوبہ دوائیں ان کے گھر تک مفت پہنچائی جائیں گی۔

سعودی ذرائع ابلاغ کے مطابق وزارت نیشنل گارڈز کے ادارے کے ترجمان کا کہنا ہے کہ جان لیوا کورونا وائرس کے پھیلاؤ سے لوگوں کو بچانے کے لیے گھر گھر دوائیں مفت پہنچانے کا پروگرام بنایا گیا ہے۔

اس کے علاوہ آن لائن ایڈوانسڈ کلینکس کی مدد سے مختلف امراض میں مبتلا مریضوں کی بیماریوں تعین کرنے کے لیے طبی معائنے کا بھی اہتمام کیا جا رہا ہے۔

وزارت نیشنل گارڈز نے شہریوں سے کہا ہے کہ ضرورت مند حضرات وزارت کے ماتحت ادارہ صحت کی ویب سائٹ یا مشترکہ مرکز0118011111 پر رابطہ کریں۔

Comments

- Advertisement -