The news is by your side.

Advertisement

سعودی عرب نے ایران پر دباؤ بڑھانے کا فیصلہ کرلیا

ریاض: سعودی وزیرخارجہ فیصل بن فرحان کا کہنا ہے کہ خطے میں قیام امن کے لیے ایرانی سرگرمیوں کو روکنا ہوگا، ریاض حکومت بھی تہران پر دباؤ بڑھائے گی۔

غیرملکی خبررساں ادارے کی رپورٹ کے مطابق سعودی وزیرخارجہ نے جرمنی کا دورہ کیا۔ اس موقع پر انہوں نے ہم منصب مائیکو ہاس سے ملاقات کی۔ اس دوران دو طرفہ تعلقات سمیت خطے کی سلامتی پر تبادلہ خیال کیا گیا۔

فیصل بن فرحان نے عالمی برادری سے اس بات پر زور دیا کہ ایران پر دباﺅ پر بڑھا جائے تاکہ وہ خطے کے داخلی امور میں جاری مداخلت بند کرے، دریں اثنا سعودی وزیر نے ایران کو دہشت گردی کا ذمےدار بھی ٹہرایا۔

سعودی عرب نے ایران پر بڑی پابندی لگا دی

ملاقات کے دوران دونوں ملکوں کے مابین دوطرفہ تعلقات، خطے میں حالیہ پیش رفت اور اس حوالے سے کی جانے والی کوششوں کا جائزہ لیا گیا۔ یمن میں برسرپیکار حوثی باغیوں کی جانب سے مسلسل سعودی عرب کے خطے کو نشانہ بنانے کے معاملے پر بھی تبادلہ خیال ہوا۔

فیصل بن فرحان کا یہ بھی کہنا تھا کہ حوثی باغی یمن میں اپنے حملے جاری رکھے ہوئے ہیں۔

fb-share-icon0
Tweet 20

Comments

comments

یہ بھی پڑھیں