سعودی عرب میں ٹریفک پولیس نے کہا ہے کہ کار اسکریچنگ پر ہونے والے چالان کی ادائیگی پرکوئی رعایت نہیں برتی جاتی، اسکریچنگ کرنے پر 20 سے 60 ہزار ریال تک کا چالان کیا جاتا ہے۔
سعودی خبر رساں ادارے کی رپورٹ کے مطابق ٹریفک پولیس نے یاد دہانی کرائی ہے کہ دیگر خلاف ورزیوں پر ہونیوالے چالان کی ادائیگیوں کے حوالے سے دی جانے والی 50 فیصد رعایت کی مدت 18 اکتوبر کو ختم کردی جائے گی۔
واضح رہے کہ سعودی عرب میں ٹریفک چالان پر رعایتیں فراہم کی گئی تھیں تاکہ عوام پر مالی بوجھ کم کیا جا سکے۔
ٹریفک پولیس کے بیان میں کہا گیا تھا کہ 18 اپریل کے بعد سے ہونے والے ٹریفک چالان پر 25 فیصد رعایت حاصل کرنے کے لیے مقررہ وقت سے قبل جرمانہ ادا کر دیا جائے۔
وضاحت کی گئی تھی کہ جرمانے کی ادائیگی میں مزید مہلت حاصل کرنے کے لیے ابشر پورٹل پر درخواست دی جاسکتی ہے۔ 18 اپریل کے بعد ہونے والے چالان کی ادائیگی مہلت 45 دن ہے تاہم مزید مہلت حاصل کرنے کے ابشر پورٹل کا استعمال کیا جاسکتا ہے جس سے 90 دن کی مہلت مل جائے گی۔
مسجد نبویؐ سے متصل الصافیہ میوزیم زائرین کیلئے کھول دیا گیا
وزارت داخلہ نے سعودی کابینہ کے فیصلے پرعمل درآمد کرتے ہوئے ٹریفک جرمانوں میں خصوصی رعایت کی اسکیم کا اعلان کیا تھا۔
