The news is by your side.

Advertisement

سعودی عرب : تارکین وطن کے ڈرائیونگ لائسنس سے متعلق اہم خبر

ریاض : سعودی عرب آنے والے غیر ملکیوں کو مملکت آنے کے بعد لائسنس کے حوالے سے کافی مشکلات درپیش ہوتی ہیں جس کیلئے محکمہ ٹریفک نے خاص ہدایات جاری کی ہیں۔

ادارہ ٹریفک پولیس کا کہنا ہے کہ مملکت آنے والے زائرین ایک برس تک انٹرنیشنل ڈرائیونگ لائسنس استعمال کرنے کے مجاز ہیں، مذکورہ مدت کے بعد اگر ان کا قیام طویل ہو تو انہیں مقامی ڈرائیونگ لائسنس حاصل کرنا ہوگا۔

عاجل نیوز کے مطابق ادارہ ٹریفک پولیس کے ٹوئٹر پر ایک شخص کی جانب سے دریافت کیا گیا کہ بیرون ملک سے سعودی عرب آنے والے زائرین جن کے ہمراہ اپنے ملک کا یا انٹرنیشنل ڈرائیونگ لائسنس ہو وہ کتنی مدت تک کے لیے اسے مملکت میں استعمال کرسکتے ہیں؟

سوال کے جواب میں ادارہ ٹریفک پولیس کا کہنا تھا کہ وزٹ ویزے پرآنے والے زائرین جن کے پاس انٹرنیشنل یا کسی ایسے ملک کا ڈرائیونگ لائسنس ہو جو سعودی عرب میں منظورشدہ ہو وہ اسے کارآمد حالت میں ہی استعمال کرسکتے ہیں تاہم مملکت کے آنے کے ایک برس تک انٹرنیشنل ڈرائیونگ لائسنس استعمال کیا جاسکتا ہے تاہم اس کا کارآمد ہونا ضروری ہے۔

ایکسپائرانٹرنیشنل ڈرائیونگ لائسنس قابل قبول نہیں ہوگا، ادارہ ٹریفک پولیس کا مزید کہنا تھا کہ انٹرنیشنل ڈرائیونگ لائسنس باقاعدہ منظور شدہ ادارے سے ہی جاری کرایا جائے جو عالمی سطح پر مصدقہ ہو۔

واضح رہے سعودی عرب میں ٹریفک قوانین میں متعدد تبدیلیاں کی گئی ہیں جن وزٹرز کو ڈرائیونگ کی اجازت اور کرائے پر گاڑی حاصل کرنے کی بھی سہولت جاری کی گئی ہے۔

Comments

یہ بھی پڑھیں