سعودی عرب میں انسداد منشیات حکام اور قانون نافذ کرنے والے اداروں نے مملکت میں منشیات کی اسمگلنگ کی کوشش ناکام بناتے ہوئے بھاری مقدار میں منشیات ضبط کرلی۔
سعودی عرب کے ذرائع ابلاغ کے مطابق نارکوٹکس کنٹرول کے جنرل ڈائریکٹوریٹ نے زکوٰۃ، ٹیکس اور کسٹم اتھارٹی کے ساتھ مل کر الودیعہ بارڈر کراسنگ پر منشیات اسمگل کرنے کی دو کوششوں کو ناکام بنا دیا۔
ایس پی اے کے مطابق سعودی حکام نے دو گاڑیوں کے اندر چھپائی گئی17 ہزار 528 نشہ آور گولیاں ( کیپٹاگون) اور چار کلو گرام سے زیاد حشیش برآمد کرلی۔
کسمٹم حکام نے سرحد پر پہنچنے والی بس کے اندر چھپائی گئی کیپٹاگون برآمد کی جبکہ ایک اور ٹرک کے خفیہ حصے میں مہارت سے چھپائی گئی حشیش برآمد ہوئی۔
سیکیورٹی حکام نے شہریوں اور رہائشیوں پر زور دیا ہے کہ وہ منشیات کی اسمگلنگ یا اس دھندے میں ملوث عناصر سے یوشیار رہیں۔
حکام نے شہریوں کی معلومات کے لیے منشیات سے متعلق کسی بھی قسم کی شکایات کے لیےدیے گئے نمبروں پر رابطہ کرنے کی ہدایت کی ہے۔
مکہ مکرمہ، ریاض اور مشرقی صوبے کے علاقوں میں شہری 911 اور مملکت کے باقی علاقوں میں 999 پر منشیات کے بارے میں مطلع کرسکتے ہیں۔
مزید پڑھیں : جوتوں میں چھپا کر منشیات بیرون ملک اسمگل کرنے کی کوشش ناکام
ایئرپورٹس سیکیورٹی فورس نے پشاور اور اسلام آباد ایئرپورٹ سے پاکستان سے جوتوں میں چھپا کر دبئی اور بحرین منشیات اسمگل کرنے کی 3 کوششیں ناکام بنادیں۔
ترجمان اے ایس ایف کے مطابق پشاور سے دبئی جانے والے مسافر سے455 گرام چرس برآمد ہوئی، دوسری کارروائی میں اسلام آباد سے بحرین جانے والی خاتون کے جوتوں سے ڈیڑھ کلو سے زائد آئس برآمد کی گئی۔
تیسری کارروائی بھی اسلام آباد ائیرپورٹ میں کی گئی، جہاں بحرین جانے والے مسافر سے چھ کلو ہیروئن سے بھیگے کپڑے برآمد ہوئے۔
