ریاض : سعودی محکمہ ٹریفک نے مملکت میں مقیم تمام افراد کیلئے ای ڈرائیونگ لائسنس کا حصول اور بھی آسان کردیا ہے، موبائل ایپ پر ای ڈرائیونگ لائسنس جاری کیا جائے گا۔
تفصیلات کے مطابق سعودی عرب میں محکمہ ٹریفک نے ابشر افراد اور توکلنا ایپ پر ای ڈرائیونگ لائسنس جاری کیا ہے۔
اس حوالے سے متعلقہ ذرائع کا کہنا ہے کہ محکمہ ٹریفک کے ترجمان نے بتایا کہ ای ڈرائیونگ لائنسس کا ڈیجیٹل کا ایڈیشن سعودی ڈیٹا اینڈ آرٹیفیشل انٹیلی جنس ( سدایا) کے تعاون سے تیار کیا گیا ہے۔
تمكّن رخصة القيادة الرقمية صاحبها من تحميل بيانات رخصة القيادة على الهواتف الذكية عبر تطبيق #أبشر أفراد، وإبرازها لرجل المرور في حال عدم حمل أصل الرخصة.
تعرف على خطوات تفعيل رخصة القيادة الرقمية#المرور_السعودي pic.twitter.com/6Rpk9Em53s— المرور السعودي (@eMoroor) April 16, 2021
محکمہ ٹریفک کے ترجمان نے بتایا کہ ڈیجیٹل ایڈیشن اسمارٹ موبائل میں محفوظ کیا جا سکے گا اور انٹرنیٹ کے بغیر موبائل پر دیکھا اور دکھایا جاسکے گا۔ یہ کیو آر کوڈ پر مبنی ہے۔
یاد رہے کہ اس سے قبل سعودی محکمہ پاسپورٹ نے "ابشر افراد” ایپ پر "ڈیجیٹل ھویہ مقیم” جاری کیا تھا۔
