ریاض: سعودی عرب نے آن لائن سیاحتی ویزہ و میڈیکل انشورنس حاصل کرنے کا طریقہ متعارف کرادیا۔
سعودی وزارت سیاحت کے مطابق تین سال قبل آن لائن سیاحتی ویزے متعارف کرائے گئے تھے، اس عرصے کے دوران 10 لاکھ سے زائد ویزے جاری ہوچکے۔
اخبار 24 کے مطابق سیاحتی ویزہ سروس کے انچارج انجینیئر ابراہیم السحیم نے ڈیجیٹل گورنمنٹ فورم کے دوران بتایا کہ اس سیاحتی ویزے کی خاص بات یہ ہے کہ پانچ منٹ سے بھی کم وقت میں میڈیکل انشورنس کے ساتھ جاری ہو جاتا ہے۔
اس میں مزید جدت لانے کے لئے وزارت سیاحت کا مشترکہ پلیٹ فارم جاری کیا گیا تھا، جس کی مدد سے سیاحتی خدمات فراہم کرنے والوں اور سرمایہ کاروں کے ساتھ سیاحتی شعبے کو مربوط رابطہ قائم ہوسکے گا۔
یہ بھی پڑھیں: سعودی عرب: بھارتی شہریوں کو ویزے کے لیے بڑی سہولت
وزیر سیاحت کا مزید کہنا تھا کہ آن لائن سیاحتی ویزے کی افدیت بڑھانے کے لئے اسے دس سے زیادہ سرکاری اداروں کے ساتھ الحاق کیا گیا ہے، اس کی بدولت یہ ادارے 50 سے زیادہ ڈیجیٹل سروسز فراہم کر سکیں گے۔
جس میں خاص طور پر سیاحتی سرمایہ کاری متعارف کرانے والا معتبر نقشہ اور فوری پرمٹس کا اجرا کرنے والے ادارے شامل ہیں۔
