ریاض: سعودی وزارت حج و عمرہ نے ’اعتمرنا‘ ایپ منسوخ کر دی ہے، اب صرف ’نسک‘ ایپ استعمال ہوگی۔
تفصیلات کے مطابق سعودی وزارت حج و عمرہ نے کہا ہے کہ ’اعتمرنا‘ ایپ منسوخ کر دی گئی ہے، اور اب ساری کارروائی ’نسک‘ ایپ کے ذریعے ہی ہوگی۔
اخبار السعودیہ کے مطابق سعودی وزارت حج و عمرہ نے حج و عمرہ زائرین کے پروگراموں کو مؤثر بنانے کی غرض سے محکمہ اوقاف اور نسک فلاحی فاؤنڈیشن کے درمیان مشترکہ تعاون کا معاہدہ کیا ہے۔
رسميًا:
إلغاء تطبيق اعتمرنا، والاكتفاء بتطبيق نسك.
— أخبار السعودية (@SaudiNews50) January 10, 2023
معاہدے کے تحت اسمارٹ حاجی کارڈ اور ایپ کا منصوبہ نافذ کیا جائے گا، تاکہ زائرین کا سفر یادگار بنے، اور زائرین مکمل اطمینان اور سکون سے دینی فریضہ انجام دے سکیں۔
اسمارٹ کارڈ مفت اور محفوظ ہوگا، اور اس میں زائر سے متعلق نجی کوائف، رہائش اور صحت معلومات درج ہوں گی۔
معاہدے کے تحت مشترکہ ورکنگ ٹیم تشکیل دی جائے گی، جو منصوبے پرعمل درآمد اور اس کے تقاضے پورے کرنے کے لیے جامع لائحہ عمل تیار کرے گی۔
