تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب: وزارت تعلیم کا اہم قدم

ریاض: سعودی عرب میں وزارت تعلیم کی ای گورنمنٹ سے ہم آہنگ نئی ویب سائٹ جاری کر دی گئی۔

تفصیلات کے مطابق سعودی وزیر تعلیم ڈاکٹر حمد بن محمد آل الشیخ نے وزارت تعلیم کی نئی ویب سائٹ لانچ کر دی، جو جدید سہولتوں سے آراستہ ہونے کے ساتھ وژن 2030 سے ہم آہنگ ہے۔

وزیر تعلیم کا کہنا تھا کہ وزارت تعلیم میں جاری تبدیلیوں کو مد نظر رکھتے ہوئے ہم نے ای گورنمنٹ کی طرف قدم بڑھایا ہے۔ ان کا کہنا تھا نئی ویب سائٹ بالکل مختلف ہے جس میں ویب پروگرامنگ کی جدید سہولتوں کا انتظام کیا گیا ہے۔

وزارت تعلیم کی یہ نئی ویب سائٹ اقوام متحدہ کے تحت جاری ای گورنمنٹ کے پروگرام یسر کے مطابق ہے اور پروگرام کے تقاضوں کو پورا کر رہی ہے۔

بتایا گیا ہے کہ اس ویب سائٹ میں طلبہ، والدین، اساتذہ اور سرمایہ کاروں کے علاوہ اسکالرز کی سہولت کے لیے متعدد آپشن موجود ہیں۔ تمام اسکولوں، تعلیمی اداروں اور ثقافتی سرگرمیوں کی معلومات کے علاوہ اس میں شکایات سیل اور تعلقات عامہ کی ٹیم سے رابطے کی سہولت بھی رکھی گئی ہے۔

Comments

- Advertisement -