The news is by your side.

Advertisement

سعودی عرب: انڈوں کے بحران سے متعلق اہم خبر

ریاض: سعودی عرب میں انڈوں کے بحران سے متعلق پولٹری پروڈیوسرز کا کہنا ہے کہ ایسی خبروں میں کوئی صداقت نہیں ہے۔

تفصیلات کے مطابق سعودی عرب کی قومی کمیٹی برائے پولٹری پروڈیوسرز نے کہا ہے کہ مقامی مارکیٹ میں انڈوں کا کوئی بحران نہیں ہے۔

سبق ویب سائٹ کے مطابق کمیٹی نے کہا ہے کہ اس بات میں بھی کوئی صداقت نہیں کہ مقامی مارکیٹ میں انڈوں کی قیمت پڑوسی ممالک سے زیادہ ہے۔

قومی کمیٹی برائے پولٹری پروڈیوسرز کے مطابق مقامی مارکیٹ میں انڈوں کی ٹرے کی قیمت کوالٹی کے اعتبار سے مختلف ہے، اور اس کی قیمت کا تعین انڈوں کے حجم کے مطابق نہیں کیا جاتا۔

کمیٹی نے واضح کیا کہ گزشتہ دنوں سے یہ بات گردش کر رہی ہے کہ مقامی تاجر پڑوسی ممالک میں انڈے کم قیمت پر فروخت کرتے ہیں، یہ بات حقیقت کے خلاف ہے۔

کمیٹی کا کہنا ہے کہ تمام پڑوسی ممالک میں انڈوں کی قیمت میں معمولی فرق ضرور ہے مگر اتنا نہیں جیسا کہ کہا جا رہا ہے۔

Comments

یہ بھی پڑھیں