The news is by your side.

Advertisement

سعودی حکام کی جنرل اسٹورز مالکان کے لیے اہم ہدایت

ریاض: سعودی حکام نے جنرل اسٹورز کے غیر ملکی مالکان کو کہا ہے کہ وہ آن لائن ادائیگی کا سسٹم 10 مئی تک وضع کرلیں تاکہ ان کا کاروبار ریکارڈ پر آسکے۔

سعودی ویب سائٹ کے مطابق سعودیوں کے نام سے غیر ملکیوں کے کاروبار کے انسداد پر مامور قومی ادارے نے کہا ہے کہ تمام جنرل اسٹورز (بقالے) اور اشیائے خوراک کے مراکز 10 مئی تک آن لائن ادائیگی کا مسئلہ حل کریں۔

سعودی حکومت مقامی شہریوں کے نام سے غیر ملکیوں کے کاروبار کے رواج کی بیخ کنی کے لیے قومی مہم چلائے ہوئے ہے، اس مقصد کے لیے حکومت نے خصوصی قومی ادارہ قائم کیا ہے جسے سعودیوں کے نام سے غیر ملکیوں کے کاروبار کو ختم کرنے کا ٹاسک دیا گیا ہے۔

حکام کا کہنا ہے کہ عام طور پر جنرل اسٹورز (بقالے) اور کھانے پینے کی اشیا کا کاروبار کرنے والے مراکز پر غیر ملکی چھائے ہوئے ہیں اور مقامی شہری انہیں تحفظ فراہم کر رہے ہیں۔

اس صورتحال سے نمٹنے کے لیے طے کیا گیا ہے کہ جنرل اسٹورز (بقالے) اور خوراک کے مراکز سارا لین دین آن لائن کریں تاکہ کاروبار کے حقائق ریکارڈ پر آسکیں اور ایسے غیر ملکیوں اور سعودیوں کے خلاف قانونی بنیاد پر کارروائی کی جا سکے جو اس غیر قانونی کام میں ملوث ہیں۔

Comments

یہ بھی پڑھیں