ریاض: سعودی وزارت حج وعمرہ کو ‘مکہ ایوارڈ آف ایکسیلینس’ سے نواز دیا گیا۔
تفصیلات کے مطابق ایوارڈ کورونا کے دوران حج وعمرہ کی بہترین خدمات فراہم کرنے پر دیا گیا۔ سعودی وزارت حج وعمرہ نے وبا کو مدنظر رکھتے ہوئے بہترین انتظامات کیے۔
وزارت کی جانب سے حجاج کے لیے سہولتوں میں جدیدٹیکنالوجی سمیت اسمارٹ کارڈ شامل ہیں۔ حج اسمارٹ کارڈ انکرپٹڈ اور معیاری کارڈ ہے۔ اسمارٹ کارڈ میں معلومات شامل ہیں جسے اسمارٹ فون ایپ سے منسلک کیا جاتا ہے۔
بارکوڈ کے ذریعے زائرین کی ذاتی، طبی اور رہائشی معلومات حاصل ہوسکیں گی۔ بارکوڈ زائرین کی ہر قدم پر رہنمائی اور بھیڑ والے مقامات کی نشاندہی کرے گا۔
خیال رہے کہ ماہ رمضان کے دوران زائرین نے محفوظ انداز میں عمرہ ادا کیا۔ دوسری جانب موجودہ حالات کو دیکھتے ہوئے آئندہ حج کے لیے بھی دیگر انتظامات یقینی بنائے جارہے ہیں۔
