The news is by your side.

سعودی عرب: سیاحتی ویزوں سے متعلق زبردست خوشخبری

سعودی عرب نے غیر ملکیوں کے اقاموں، وزٹ ویزوں اور خروج و عودۃ (ایگزٹ ری انٹری) ویزوں کے بعد سیاحتی ‏ویزوں میں بھی توسیع کا اعلان کر دیا۔

وہ ویزہ ہولڈرز جو مملکت کی سفری پابندیوں کی وجہ سے سفر نہیں کر سکے ان کے ویزوں میں ازخود توسیع ‏کر دی گئی ہے۔

سعودی وزارت خارجہ کا کہنا ہے کہ شاہ سلمان بن عبدالعزیز کی ہدایت پر وزٹ ویزہ برائے سیاحت کی مدت میں ‏توسیع کی گئی ہے اور اس حوالے بذریعہ ای میل آگاہ کر دیا گیا ہے۔

ای ویزہ کا نموہ بھی ساتھ ارسال کیا گیا ہے جس میں واضح طور پر ان کے ویزا کی میعاد کا بتایا گیا ہے۔

ایسے تمام ویزے جو 24 مارچ 2021 سے قبل کسی بھی ملک سے جاری ہوئے ہوں ان میں شرائط کے مطابق خودکار ‏نظام کے تحت توسیع کی گئی ہے۔

اس سے قبل خادم حرمین شریفین شاہ سلمان بن عبدالعزیز کی ہدایت پر محکمہ پاسپورٹ نے بیرون مملکت ‏موجود مقیم غیرملکیوں کے اقاموں، وزٹ ویزوں اور خروج و عودۃ (ایگزٹ ری انٹری) ویزوں میں مزید 30 ‏نومبر2021 تک توسیع شروع کردی ہے۔

سعودی حکومت کی پالیسی یہ ہے کہ مقامی شہریوں اور مقیم غیرملکیوں کو وبا سے جنم لینے والے مالیاتی و ‏اقتصادی مسائل سے ممکنہ حد تک بچایا جائے۔

اسی پالیسی کے تحت اقاموں اور ویزوں میں توسیع کی جارہی ہے۔ توسیع محکمہ پاسپورٹ کے دفاتر سے رجوع ‏کیے بغیر ہوگی خودکار نظام کے تحت ہورہی ہے۔

سعودی محکمہ پاسپورٹ نیشنل انفارمیشن سینٹر کے تعاون سے قانونی طریقہ کار کے مطابق اقاموں، وزٹ ویزوں ‏اور خروج و عودۃ (ایگزٹ ری انٹری) ویزوں کی توسیع کی کارروائی کررہا ہے۔

Comments

یہ بھی پڑھیں