ریاض : سعودی وزارت حج و عمرہ نے کہا ہے کہ حج درخواستیں جمع کرانے والوں کے ناموں کی قرعہ اندازی آج ہوگی۔
سعودی ذرائع ابلاغ کے مطابق داخلی عازمین کی درخواستیں جمع کرانے کا آخری دن پیر تھا جبکہ وزارت کا کہنا ہے کہ قرعہ اندازی کے ذریعہ نام نکالے جائیں گے جس کے بعد ان کا جائزہ لیا جائے گا۔
ذرائع کے مطابق جن عازمین حج کا نام نکل آیا اور اگر وہ حج کے اہل ہیں تو انہیں ایس ایم ایس اور ای میل کے ذریعہ مطلع کردیا جائے گا۔
ترجمان وزارت نے کہا کہ بعد ازاں ان عازمین سے مطالبہ کیا جائے گا کہ پیکیج بک کرانے کے لیے فیس جمع کرائیں جس کے بعد انہیں حج اجازت نامہ جاری ہوگا۔
وزارت نے کہا ہے کہ جن حج کمپنیوں کے ساتھ بکنگ ہوئی ہے وہ خود اپنے عازمین سے رابطہ کرکے بقیہ تفصیلات سے آگاہ کریں گے۔
Comments
- Advertisement -
