خادم حرمین شریفین شاہ سلمان بن عبدالعزیز آل سعود نے خون کا عطیہ دینے پر 60 سعودی شہریوں اور 50 غیر ملکیوں کو تمغہ دینے کی منظوری دے دی ہے۔
سعودی خبررساں ایجنسی ’ایس پی اے‘ کے مطابق منگل کو ایوان شاہی سے جاری ہونے والے بیان میں کہا گیا ہے کہ مملکت کے مختلف ریجنز سے تعلق رکھنے والے سعودی شہری اور مقیم غیر ملکیوں کو 10 بار خون کا عطیہ دینے پر ’’تیسرے درجے کا تمغہ میرٹ‘‘ دیا جائے۔
دوسری جانب مذکورہ شاہی احکامات پر عمل درآمد شروع کردیا گیا اور ان تمام افراد کے ناموں کی فہرست بھی جاری کی گئی ہے جنہیں شاہی اعزاز دیا جائے گا۔
- Advertisement -
واضح رہے سعودی عرب میں خون کا عطیہ دینے والوں کا ریکارڈ رکھا جاتا ہے اور وہ افراد جو دس بار خون کا عطیہ دے چکے ہوتے ہیں انہیں ایوان شاہی سے تمغہ برائے میرٹ عطا کیا جاتا ہے۔
