جمعہ, جولائی 19, 2024
اشتہار

سعودی عرب نے ایران میں اپنا سفیر نامزد کر دیا

اشتہار

حیرت انگیز

تہران: سعودی عرب نے ایران میں اپنا سفیر نامزد کر دیا۔

غیر ملکی میڈیا رپورٹس کے مطابق ایرانی وزیر خارجہ حسین امیر عبد اللہیان کا کہنا ہے کہ سعودی عرب نے تہران میں اپنا نیا سفیر تعینات کر دیا ہے، ایران میں سعودی عرب کا سفارت خانہ آئندہ چند روز میں کھل جائے گا۔

ایرانی وزیرِ خارجہ کا کہنا ہے ایران بھی جلد سعودی عرب میں اپنا سفیر مقرر کرے گا، سفارتخانے اور قونصل خانے دوبارہ کھولنے کے لیے کام تیزی سے جاری ہے۔

- Advertisement -

رپورٹ کے مطابق دوسری جانب ایران کے وزیر برائے اقتصادی امور وفد لے کر سعودی عرب پہنچ گئے ہیں، احسان خندوزی سعودی حکام کے ساتھ معاشی تعاون پر بات کریں گے۔

غیر ملکی میڈیا رپورٹس کے مطابق ایرانی وزیر اسلامی ترقیاتی بنک کے اجلاس میں بھی شرکت کریں گے۔

واضح رہے کہ سعودی عرب اور ایران نے 2016 کے بعد سفارتی تعلقات کی بحالی کا فیصلہ کیا جس کے بعد دونوں ممالک کے وزرائے خارجہ کی ملاقات بھی ہوچکی ہے جب کہ ایرانی صدر نے سعودی فرماں روا شاہ سلمان کی جانب سے دورہ سعودیہ کی دعوت بھی قبول کی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں