The news is by your side.

Advertisement

سعودی عرب : ملازمین کے ہیلتھ سرٹیفکیٹ کے لیے ہدایات جاری

ریاض : سعودی وزارت بلدیات ودیہی وترقی امور نے خبردار کیا ہے کہ کارکن کا ہیلتھ سرٹیفکیٹ جاری نہ کرانے والے ادارے پر جرمانے کا باقاعدہ نفاذ سنیچر15جنوری سے کیا جائے گا۔

سعودی ذرائع ابلاغ کے مطابق وزارت بلدیات نے کہا ہے کہ کارکن کا ہیلتھ سرٹیفکیٹ جاری نہ کرانے پر فی کارکن دو ہزار ریال جرمانہ عائد کیا جائے گا اور خلاف ورزی دہرائے جانے کی صورت میں جرمانہ دُگنا کردیا جائے گا۔

یاد رہے کہ پندرہ جنوری 2022 سنیچر سے وزارت بلدیات و دیہی و آباد کاری امور کی جانب سے تجارتی اداروں کے حوالے سے مقرر خلاف ورزیوں اور جرمانوں پر عمل درآمد کا آغاز کیا جارہا ہے اس ضمن میں وزارت کی تفتیشی ٹیموں کو بھی مطلع کردیا گیا ہے۔

قبل ازیں وزارت بلدیات کی جانب سےکہا گیا تھا کہ بیوٹی پارلرز میں سی سی کیمرے نصب نہ کیے جائیں کیمروں کی تنصیب ممنوع ہے، یہ بھی پابندی ہے کہ مقررہ اسٹینڈرڈ کے برخلاف پاؤڈر اور آرائشی اشیاء نہ استعمال کی جائیں، اس کی خلاف ورزی پر بھی جرمانہ مقرر ہے۔

Comments

یہ بھی پڑھیں