سعودی عرب کے علاقے تبوک کے پہاڑوں پر سفیدی چھا گئی، ہر سو برف ہی برف ہے۔
عرب میڈیا رپورٹ کے مطابق تبوک میں سیزن کی تیسری برفباری نے موسم کو مزید سرد کر دیا، برف باری نے جبل اللوز کو ‘حسین تر’ بنا دیا۔
رپورٹ کے مطابق برف باری کے بعد ریاض، دمام اور دیگر شہروں میں بھی سردی بڑھ گئی، برف باری ہوتے ہی پہاڑ دلکش منظر پیش کرنے لگا جسے دیکھنے اور موسم سے لطف اندوز ہونے کے لیے شہریوں اور سیاحوں کی بڑی تعداد نے علاقے کا رخ کرلیا۔
- Advertisement -
دوسری جانب متحدہ عرب امارات میں ابرشوں سے موسم خوشگوار ہو گیا، درجہ حرارت دس ڈگری تک آگیا۔
اس کے علاوہ ابوظہبی اور دبئی سمیت دیگر علاقوں میں بھی بادل برس پڑے، ریت کے طوفان کے خدشے کے پیشِ نظر محکمہ موسمیات نے ملک کے کچھ حصوں میں اورنج اور کچھ میں یلیو الرٹ جاری کر دیا۔
