تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب: گھر کو حجام کی دکان میں تبدیل کردینے والا شخص گرفتار

ریاض: سعودی حکام نے گھر کو حجام کی دکان میں تبدیل کردینے کی اطلاع پر مذکورہ مقام پر چھاپہ مار کر ذمہ داران کو گرفتار کرلیا۔

سعودی ویب سائٹ کے مطابق جدہ کے علاقہ بنی مالک میں گھر کو باربر شاپ میں تبدیل کرنے والے غیر ملکی شخص کو حراست میں لے لیا گیا۔

جدہ میں الشرفیہ کی بلدیہ کے انسپکٹرز نے بنی مالک محلے میں تفتیشی کارروائی کے دوران ایک باربر شاپ پر چھاپہ مارا، یہ شاپ غیر قانونی طریقے سے ایک عمارت میں قائم کی گئی تھی۔

انسپکٹرز نے غیر قانونی باربر شاپ سیل کردی جبکہ وہاں موجود مخصوص کرسیاں اورحجامت میں استعمال ہونے والے تمام آلات اور اشیا ضبط کرلیں۔ حجام کو سیکیورٹی فورسز کے حوالے کردیا گیا۔

دوسری جانب نجران میونسپلٹی کے اہلکاروں کو بھی اطلاع ملی کہ غیر ملکی کارکن اپنی رہائش پر ہم وطنوں کو حجامت کی سہولتیں فراہم کر رہے ہیں اور مقرر کردہ پابندی کی خلاف ورزی کر رہے ہیں۔

اہلکاروں نے رہائش پر چھاپہ مارا اور غیر قانونی سرگرمی پر تارکین کو گرفتار کرلیا۔

نجران میونسپلٹی کے نگراں ادارے کے ڈائریکٹر فائز بن رجا نے بتایا کہ تفتیشی ٹیموں نے اطلاع ملنے پر غیر ملکیوں کی رہائش پر چھاپہ مارا تھا۔

تلاشی پر رہائش سے باربر شاپ میں استعمال ہونے والی مشینیں، آلات اور سامان نظر آنے پر ضبط کرلیا گیا۔ خلاف ورزی کرنے والے تارکین کو قانونی کارروائی کے لیے متعلقہ ادارے کی تحویل میں دے دیا گیا ہے۔

Comments

- Advertisement -