جدہ:سعودی عرب میں گھریلو عملے کے لیے ملازمت کے معاہدے پر میڈیکل انشورنس کا اطلاق کب سے ہوگا؟ سعودی حکام نے تفصیلات جاری کردی۔
سعودی عرب میں گھریلو عملے کے لیے ملازمت کے معاہدے پر میڈیکل انشورنس کا اطلاق دو ہزار بائیس کے آغاز سے کیا جائے گا، العربیہ نیٹ کے مطابق میڈیکل انشورنس کو "مساند” پلیٹ فارم کے ذریعے گھریلو عملے کی درآمد کے معاہدے سے مربوط کردیا جائے گا۔
سعودی وزارت افرادی قوت کا کہنا ہے کہ آجر اور اجیر کے حقوق و فرائض ملازمت کے معاہدے میں واضح کیے جائیں گے حکام وزارت افرادی قوت و سماجی بہبود ملازمت کے معاہدے کو مساند سے مربوط کرنے کے طریقہ کار کے اجرا پر کام کررہی ہے۔
میڈیکل انشورنس سے ملازم یا ملازمہ کی موت یا ڈیوٹی سے قاصر ہونے کی صورت یا لاعلاج امراض میں مبتلا ہونے، موت پر نعش اور متوفی کا نجی سامان وطن پہنچانے، ملازم یا ملازمہ کے جزوی یا مکمل طور پر معذور ہوجانے کی صورت میں کس کے ذمے کیا آئے گا؟ یہ سب کچھ ملازمت کے نئے معاہدے میں واضح ہوگا۔
یہ بھی پڑھیں: غیرملکی زائرین کے لیے عمرہ شرائط جاری
ملازمت کے نئے معاہدے کے اجرا کے بعد سعودی لیبر مارکیٹ گھریلو عملہ فراہم کرنے والے ممالک کے لوگوں کے لیے پرکشش بن جائے گی۔
یاد رہے کہ سعودی کابینہ نے مئی دوہزاراکیس کے دوران گھریلو عملے کی ملازمت کے معاہدے میں میڈیکل انشورنس شامل کرنے کی منظوری دے چکی ہے۔
