ریاض : سعودی عرب کی توکلنا ایپ انتظامیہ نے صارفین کو ایپ کا رنگ گرے ہونے سے متعلق آگاہی فراہم کردی۔
عرب میڈیا کے مطابق توکلنا ایپ استعمال صارفین نے انتظامیہ کو شکایت درج کروائی تھی کہ ان کی ایپ درست طریقے سے کام نہیں کررہی، ایپ پر ان کا اسٹیٹس سبز کے بجائے کبھی کبھی گرے دکھائی دے دیتا ہے۔
صارفین کے سوال پر توکلنا ایپ انتظامیہ نے آگاہ کیا کہ جب انٹرنیٹ کنیکشن منقطع ہو یا وی پی این ایپلی کیشن آن ہو تو توکلنا ایپ کا خود کار سسٹم کام نہیں کرتا اور وہ اسٹیٹس گرے دکھاتی ہے۔
توکلنا انتظامیہ نے بتایا کہ وی پی این ایسی اپلی کیشن ہے جو موبائل کے جی پی ایس سسٹم کو بلاک کردیتی ہے جس کے باعث توکلنا ایپ بھی درست انداز میں کام نہیں کرپاتی۔
واضح رہے کہ وزارت صحت کی ویب سائٹ توکلنا استعمال کرنے والوں کا اسٹیٹس رنگ اگر گہرا سبز ہوگا تو مطلب وہ مکمل ویکسین لگوا چکے ہیں جب کہ اورنج رنگ کرونا وائرس میں مبتلا افراد کے لیے مخصوص ہے۔
