The news is by your side.

Advertisement

سعودی عرب: کسی کو بدنام کرنے پر بڑی قید، بڑا جرمانہ

ریاض: سعودی پبلک پراسیکیوشن نے خبردار کیا ہے کہ انفارمیشن کرائم پر ایک برس قید اور 5 لاکھ ریال جرمانے کی سزا ہو سکتی ہے۔

تفصیلات کے مطابق سعودی پبلک پراسیکیوشن نے ایک بیان میں کہا ہے کہ انفارمیشن کرائم کے ارتکاب پر ایک برس قید اور پانچ لاکھ ریال جرمانے کی سزا مقرر ہے۔

پبلک پراسیکیوشن کے مطابق کسی بھی شخص کو کسی کی تشہیر یا اطلاعات کے مختلف وسائل کے ذریعے نقصان پہنچانے کی اجازت نہیں ہے، ہر شخص کو اپنے وقار کے تحفظ کا قانونی حق حاصل ہے۔

پبلک پراسیکیوشن کا کہنا ہے کہ شہریوں کے وقار کے خلاف ارتکابِ جرم پر قید اور جرمانے کی سزا مقرر ہے، اس لیے کسی کے وقار کو نقصان نہ پہنچایا جائے۔

بیان میں پبلک پراسیکیوشن نے کہا کہ جو شخص بھی کسی دوسرے کو بدنام کرنے کے لیے اطلاعاتی ٹیکنالوجی استعمال کرے گا اور اس کے ذریعے کسی کو نقصان پہنچائے گا تو اسے ایک سال تک قید اور پانچ لاکھ ریال تک جرمانے کی سزا ہوگی۔

Comments

یہ بھی پڑھیں