The news is by your side.

Advertisement

سعودی عرب کی ترقی کیلئے اہم حکومتی اقدامات

ریاض : سعودی عراقی رابطہ کونسل نے اسٹراٹیجک تعلقات کو مضبوط بنانے کے لیے توانائی، سرمایہ کاری اور اسپورٹس کےشعبوں میں متعدد یادداشتوں پر دستخط کردیے۔

رابطہ کونسل نے عراق اور سعودی عرب کے درمیان نجی اداروں میں شراکت کے فروغ و تعاون کے نئے دروازے کھولنے اور مشترکہ مفادات کے تحفظ کا عزم ظاہر کیا ہے۔

سعودی خبررساں ادارے کے مطابق سعودی عراقی رابطہ کونسل نے جدیدۃ عرعر بری سرحدی چوکی کے معاملے پر تبادلہ خیال کیا اور طے کیا گیا کہ جیسے ہی تمام انتظٓامات مکمل ہوں گے بری سرحدی چوکی کھول دی جائے گی۔ دونوں ملکوں نے باہمی تعلقات کا معیار بلند کرنے کے لیے ٹھوس خواہش ظاہر کی ہے۔

اس موقع پر یہ طے کیا گیا کہ تمام شعبوں میں دونوں ملکوں کے برادر عوام اور رہنماؤں کی آرزوؤں کی تکمیل کے لیے تعاون کے طور طریقے مضبوط کیے جائیں گے۔

فریقین نے متعدد یادداشتوں پر دستخط کیے، ترقیاتی فنڈ، عراقی وزارت خزانہ کو عراق کے کئی ترقیاتی منصوبوں کے لیے قرضہ دے گا- یادداشت پر دستخط کردیے گئے۔

سعودی عرب شاہی ہدایات پر عراق کو نئے کورونا وائرس سے نمٹنے کے لیے طبی سازوسامان و ادویہ فراہم کرے گا۔ فریقین نے صحت کے شعبے کے حوالے سے یادداشت پر دستخط کردیے۔

وزیر مملکت برائے امور خارجہ عادل الجبیر نے کہاکہ تمام شعبوں میں سعودی عرب اورعراق کے تعلقات مسلسل بڑھ رہے ہیں۔ دونوں ملکوں کے قائدین تاریخی رشتوں کے شایان شان سٹراٹیجک تعلقات کو مستحکم بنانے کے خواہاں ہیں۔

العربیہ نیٹ کے مطابق سعودی نائب وزیر دفاع شہزادہ خالد بن سلمان نے کہا ہے کہ عراق، مملکت کے لیے اور سعودی عرب، عراق کے لیے سٹراٹیجک اکائی کا درجہ رکھتے ہیں۔

Comments

یہ بھی پڑھیں