ریاض: سعودی عرب میں خواتین کو ڈرائیونگ کی اجازت ملنے کے بعد دس خواتین نے ڈرائیونگ لائسنس حاصل کرلیا ہے، لائسنس دیتے وقت خواتین کو ہدایت بھی دی گئی.
عرب میڈیا کے مطابق گزشتہ ماہ ٹریفک کے ڈائریکٹر جنرل محمد ال بسامی نے کہا تھا کہ خواتین کو ڈرائیونگ لائسنس جاری ہونے کے بعد وہ ملک میں 24 جون سے باقاعدہ ڈرائیونگ کرسکیں گی۔
سعودی عرب میں ڈرائیونگ کے لیے خواتین کی عمر 18 سال مقرر کی گئی ہے اور 18 سال یا اس سے زائد عمر خواتین کو ہی گاڑی چلانے کی اجازت ہوگی۔
واضح رہے کہ سعودی عرب میں 1990 سے خواتین کی ڈرائیونگ پر پابندی تھی تاہم یہ پابندی سرکاری طور پر عائد نہیں کی گئی تھی اور نہ ہی یہ قانون کا حصہ تھی مگر خواتین کو ڈرائیونگ لائسنس کا اجراء نہیں ہوتا تھا جبکہ خواتین کو گاڑی چلانے کی اجازت دینے کے لیے خصوصی مہم بھی چلائی گئی تھی۔
الف الف الف الف مبروك ل بنات الوطن
إصدار اول رخصة قياده في السعوديه pic.twitter.com/GRUNxJxpaq— سعود الزمانان (@saudalzmanan) June 4, 2018
یاد رہے کہ سعودی فرماں روا شاہ سلمان نے بن عبدالعزیز نے 2017 میں خواتین کی ڈرائیونگ سے متعلق تاریخی فیصلہ سناتے ہوئے ڈرائیونگ کی اجازت دی تھی، جس پر ٹریفک ڈیپارٹمنٹ نے عملدرآمد کرتے ہوئے پہلی خاتون کو ڈرائیونگ لائسنس جاری کیا۔
سعودی حکومت کی جانب سے خاتون کو ڈرائیونگ کی اجازت ملنے کے بعد ملک میں متعدد ڈرائیونگ اسکول قائم کردئیے گئے ہیں جس میں خواتین گاڑی چلانے کی تربیت حاصل کرنے کے لیے جوق در جوق رجوع کررہی ہیں۔
