The news is by your side.

Advertisement

سعودی عرب : خروج نہائی کب اور کیسے منسوخ ہوگا؟

ریاض : سعودی محکمہ پاسپورٹ اینڈ امیگریشن "جوازات” نے وضاحت کی ہے کہ کسی بھی غیر ملکی کا خروج نہائی کیسے جاری کیا جائے گا اور آزمائشی مدت کے دوران خروج نہائی کینسل ہوگا یا نہیں۔

اس حوالے سے سعودی محکمہ پاسپورٹ کا کہنا ہے کہ آزمائشی مدت کے دوران "ابشراعمال” کے ذریعے کارکن کا خروج نہائی ویزہ جاری کرنے کی سہولت دے دی گئی ہے۔ ماضی میں یہ کام جوازات کے دفتر سے ہی انجام دیا جاتا تھا۔

مقامی عربی روزنامے کے مطابق اس حوالے سے جوازات کا مزید کہنا ہے کہ اگر کسی کمپنی یا ادارے کی جانب سے آزمائشی مدت کے دوران اپنے کارکن کا فائنل ایگزٹ لگا دیا ہو اس صورت میں خروج نہائی کو منسوخ نہیں کیاجا سکتا۔

محکمہ پاسپورٹ کا کہنا ہے کہ کارکن کی آزمائشی مدت کے دوران آن لائن خروج نہائی "فائنل ایگزٹ” لگانے کی سہولت کمرشل شعبے کو حاصل ہے۔

محکمہ پاسپورٹ نے توجہ دلائی ہے کہ کارکن کی آزمائشی مدت کے دوران اقامہ جاری کرانا ممکن نہیں ۔ آزمائشی مدت مکمل ہونے کے بعد کارکن کا اقامہ جاری کیاجائے گا۔

واضح رہے کہ سعودی محکمہ پاسپورٹ اور وزارت افرادی قوت کے قانون کے مطابق کارکن کی آزمائشی مدت کی پابندی آجر واجیر دونوں کےلیے مقررہے۔

اگرکارکن کام کی نوعیت و تنخواہ یا مراعات پرراضی نہ ہوتو اسے اختیار ہے کہ وہ ملازمت جاری رکھنے کے حوالے سے انکار کردے اسی طرح آجر کو بھی یہ حق ہے کہ اگر کارکن سے مطمئن نہ ہو تو اسے واپس روانہ کردے۔

Comments

یہ بھی پڑھیں