تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب: ملازمت کے معاہدوں کی تصدیق کے لیے نیا پلیٹ فارم

ریاض: سعودی عرب میں ملازمت کے معاہدوں کی تصدیق اور وزارت میں ان کی توثیق کرنے کے لیے تجرباتی بنیادوں پر لانچ کیا گیا قوی پلیٹ فارم مستقل کردیا گیا ہے۔

اردو نیوز کے مطابق وزارت افرادی قوت و سماجی بہبود آبادی کا کہنا ہے کہ قانون کے مطابق سعودی اور غیر ملکی افراد کے ورک ایگریمنٹ کی تصدیق قوی پلیٹ فارم سے کروائی جائے۔

وزارت افرادی قوت و سماجی بہبود آبادی کی جانب سے قوی پلیٹ فارم تجرباتی بنیادوں پر لانچ کیا گیا تھا جس کے خاطرخواہ نتائج سامنے آنے پر اسے وزارت نے ملازمت کے معاہدوں کی تصدیق کے لیے مستقل کر دیا ہے۔

وزارت افرادی قوت کا مزید کہنا تھا کہ کابینہ کی جانب سے جاری فیصلے پر عمل کرتے ہوئے مملکت میں لیبر مارکیٹ کے قوانین کو مزید بہتر بنایا جا رہا ہے جس کے تحت مشترکہ پلیٹ فارم قوی کا اجرا کیا گیا ہے۔

وزرات کے مطابق اس کے ذریعے کارکنوں کے ملازمت کے معاہدوں کی تصدیق اور وزارت میں ان کی توثیق کرنے میں آسانی ہوگی اور معاملات جلد انجام دیے جا سکیں گے۔

قوی پلیٹ فارم کے ذریعے ورک ایگریمنٹ کی تصدیق کرنے کے بعد معاہدے خود کار طریقے سے سوشل انشورنس میں رجسٹرڈ ہو جاتے ہیں جس سے فریقین کو نہ صرف سہولت ہوتی ہے بلکہ ان کے حقوق کا بھی تحفظ ہوتا ہے۔

خیال رہے کہ غیر ملکی کارکنوں کے ورک ایگریمنٹ کی ڈیجیٹل تصدیق کیے بغیر کفالت کی تبدیلی کا عمل بھی مکمل نہیں ہوسکتا۔

Comments

- Advertisement -