The news is by your side.

Advertisement

سعودی عرب نے 11 ممالک سے سفری پابندی ہٹا دی

ریاض: سعودی عرب نے 11 ممالک سے سفری پابندی ہٹا دی ہے، جس کے بعد ان ممالک سے پروازیں آ سکیں گی۔

سعودی عرب کی سرکاری میڈیا کے مطابق سعودی وزارت داخلہ نے کہا ہے کہ 11 ممالک سے مسافروں کو سعودی عرب آنے کی اجازت دے دی گئی ہے۔

30 مئی سے برطانیہ، یو اے ای، امریکا، جرمنی، فرانس، اٹلی، پرتگال، آئرلینڈ، جاپان، سوئٹزرلینڈ اور سوئیڈن سے پروازیں آ سکیں گی۔

سعودی حکام کا کہنا ہے کہ مذکورہ ممالک سے آنے والے مسافروں پر پابندی تو ہٹا لی گئی ہے تاہم قرنطینہ کے شرط پر عمل درآمد جاری رہے گا۔

روزگار کیلئے سعودی عرب جانے والے شہریوں پر پابندی عائد

یاد رہے کہ کرونا وبا پر قابو پانے کے لیے فروری میں سعودی عرب کے حکام نے ان ممالک سے مسافروں کی مملکت میں آمد پر پابندی عائد کی تھی۔ بعد ازاں 17 مئی کو مملکت نے اپنے شہریوں پر عائد بیرون ملک سفر کی پابندی اٹھائی تھی۔

Comments

یہ بھی پڑھیں